Koi... Mil Gaya (कोई मिल गया)

കോയി... മിൽ ഗയാ!

പ്രപഞ്ചം നക്ഷത്രങ്ങളുടെ നിരവധി സമൂഹങ്ങളാൽ നിർമ്മിതമാണ്...

അവയെ താരാപഥങ്ങൾ എന്ന് വിളിക്കുന്നു.

നമ്മുടെ ഭൂമി ഉൾപ്പെടുന്ന താരാപഥത്തെ...

ആകാശഗംഗ അഥവാ ക്ഷീരപഥം എന്ന് വിളിക്കുന്നു.

ബഹിരാകാശ ശാസ്ത്രജ്ഞനായിരുന്നു എന്റെ ഭർത്താവ്, അദ്ദേഹം ക്ഷീരപഥം പോലെ...

മറ്റ് നിരവധി താരാപഥങ്ങൾ നിലവിലുണ്ടെന്ന് ഉറച്ചു വിശ്വസിച്ചിരുന്നു...

അതിൽ ഏതെങ്കിലുമൊന്നിൽ ജീവൻ ഉണ്ടാകാമെന്നും.

അദ്ദേഹത്തിന് ജീവിതത്തിൽ ഒരു ലക്ഷ്യം മാത്രമേ ഉണ്ടായിരുന്നുള്ളൂ: മറ്റ് ഗ്രഹങ്ങളിൽ ജീവൻ കണ്ടെത്തുക.

അദ്ദേഹം നിരവധി തരം ഉപകരണങ്ങൾ കണ്ടുപിടിക്കുകയും അവ ഉപയോഗിച്ച് രേഖകൾ ശേഖരിക്കുകയും ചെയ്തു.

അദ്ദേഹം ബഹിരാകാശത്തേക്ക് ശബ്ദ തരംഗങ്ങൾ അയയ്ക്കാറുണ്ടായിരുന്നു...

ശബ്‌ദം ഒരിക്കലും മരിക്കാത്ത ഒന്നാണെന്ന് അദ്ദേഹം എല്ലായ്പ്പോഴും പറയുമായിരുന്നു.

അത് ബഹിരാകാശത്ത് എന്നെന്നും പ്രതിഫലിക്കുമെന്നും.

അദ്ദേഹത്തിന് ഉറപ്പുണ്ടായിരുന്നു ഒരു ദിവസം...

മറ്റൊരു ലോകത്തിൽ നിന്നുള്ള ആരെങ്കിലും അദ്ദേഹത്തിന്റെ ശബ്ദ സിഗ്നലുകൾ കേൾക്കുമെന്നും...

അതിനോട് പ്രതികരിക്കുമെന്നും.

ഒരു സായാഹ്നം...

സോണിയാ!

ദാ, വരുന്നു. എന്താ കാര്യം?

നോക്ക്! അവർ പ്രതികരിക്കുന്നു!

പക്ഷേ, ഈ ശബ്ദങ്ങളെന്താണ്...?

ഈ ഒക്ടോപാഡിൽ ഒരു പാറ്റേൺ നിർമ്മിക്കാൻ ഞാൻ "ഓം" എന്ന വാക്ക് ഉപയോഗിച്ചു.

ഞാൻ അത് കമ്പ്യൂട്ടറിൽ ഡിജിറ്റലാക്കി മാറ്റി, ബഹിരാകാശത്തേക്ക് ശബ്‌ദ ബൈറ്റുകൾ അയച്ചു.

ഇത് നോക്ക്, സോണിയാ. മറ്റൊരു ലോകത്തിൽ നിന്നുള്ള ആരോ എനിക്ക് മറുപടി തരുന്നു.

എന്റെ ഗവേഷണത്തിൽ ഞാൻ വിജയിച്ചു!

ഞാൻ ഒരു വഴിത്തിരിവ് നേടി, സോണിയാ!

നമ്മൾ ഇത് ഉടൻ തന്നെ ബഹിരാകാശ കേന്ദ്രത്തെ അറിയിക്കണം.

അവരെന്താ ചോദിച്ചത്, ഭൂമിയിലെ കാലാവസ്ഥ എങ്ങനെയുണ്ടെന്നോ?

ഇത് തമാശയല്ല, സാർ.

ഡോ. മെഹ്‌റാ, ഈ ഗവേഷണ കേന്ദ്രം നിങ്ങൾ കാണുന്നുണ്ടോ?

ഇതാണ് ഞങ്ങൾ വർഷങ്ങളായി ഗവേഷണം നടത്തുന്നത്...

എന്നിട്ട് ഞങ്ങളെ ഒഴിവാക്കി. അവർ നിങ്ങളെ ബന്ധപ്പെട്ടെന്നോ? അത് എങ്ങനെ നടക്കും?

എന്തേ പറ്റില്ലേ? ഞാനും ഈ ഗവേഷണം നടത്താൻ എന്റെ ജീവിതകാലം മുഴുവൻ ചെലവഴിച്ചിട്ടുണ്ട്.

ഞാൻ അവർക്ക് വിവിധ ശബ്ദ തരംഗങ്ങൾ അയച്ചു...

ഞാൻ ശബ്ദം ഉൽ‌പ്പാദിപ്പിക്കുന്ന ധാരാളം ഉപകരണങ്ങൾ കണ്ടുപിടിച്ചു...

എന്റെ എല്ലാ പരീക്ഷണങ്ങൾക്കുമൊടുവിൽ...

ഞാൻ അവർക്ക് "ഓം" എന്ന വാക്ക് വ്യത്യസ്ത വ്യതിയാനങ്ങളിലും...

ഗാനവീചികളിലും അയച്ചപ്പോൾ... എന്തുകൊണ്ട് അത് അസാധ്യമാവും...

- ഈ "ഓം, ഓം" ഇതെന്താണ്? - ഇതൊരു ഹിന്ദു മത ശബ്ദമാണ്.

- ലോകത്തിന്റെ മുഴുവൻ സ്പന്ദനവും അതിലാണ്. - ഓ, നിങ്ങൾ മതത്തിലും വിശ്വസിക്കുന്നുണ്ടോ?

നോക്കൂ മെഹ്റാ, പകൽ സ്വപ്നം കാണുന്നത് ഒരു നല്ല ശീലമല്ല.

എന്നെ വിശ്വസിക്കൂ, ഞാൻ അത് തെളിയിക്കാം.

നിങ്ങൾ ഞങ്ങളുടെ സമയം കളയുകയാണ്. വീട്ടിൽ പോകൂ.

പകൽ സ്വപ്നം കാണുന്നത്. ഒരു മോശം ശീലമാണെന്നാണ് അവർ പറയുന്നത്.

ഞാൻ വീട്ടിൽ പോകണം, ഉറങ്ങണം എന്നൊക്കെ.

ഓരോ കണ്ടുപിടുത്തവും ഓരോ കണ്ടെത്തലും തുടക്കത്തിൽ ഒരു സ്വപ്നമാണെന്ന് അവർ മനസ്സിലാക്കുന്നില്ല.

നിരാശപ്പെടരുത്, സഞ്ജയ്.

ലോകത്തിലെ ആളുകൾ‌ എല്ലായ്‌പ്പോഴും പുതിയ കണ്ടെത്തലുകൾ ആദ്യം‌ നിരസിക്കും...

എന്നാൽ പിന്നീട് അവ സ്വീകരിക്കും. അതാണ് അവർ നമ്മോടും ചെയ്യുന്നത്.

പ്രപഞ്ചത്തിലെ ദശലക്ഷക്കണക്കിന് മൈലുകൾ കൊണ്ട് വേർതിരിച്ചിരിക്കുന്ന...

ലോകങ്ങൾക്ക് തമ്മിൽ... എപ്പോഴെങ്കിലും കണ്ടുമുട്ടാൻ...

- സാധിക്കുമോ? - എന്തുകൊണ്ട് പറ്റില്ല?

മനുഷ്യൻ ചന്ദ്രനിലേക്ക് പോയി, ചൊവ്വയിലേക്കും വ്യാഴത്തിലേക്കും ബഹിരാകാശ വാഹനങ്ങൾ അയച്ചിട്ടുണ്ട്.

അതുപോലെ, അവർ നമ്മുടെ ലോകത്തെക്കുറിച്ചും അറിയാൻ ശ്രമിച്ചിരിക്കണം.

അതുകൊണ്ടാണ് യു‌എഫ്‌ഒ കളെ പലപ്പോഴും കാണുന്നത്.

എന്താണ് ഈ ലൈറ്റുകൾ മിന്നിക്കൊണ്ടിരിക്കുന്നത്‌?

എന്താണ് സംഭവിക്കുന്നത്?

സഞ്ജയ്! അങ്ങോട്ട് നോക്കൂ!

ഞാൻ പറഞ്ഞത് അവർ വിശ്വസിച്ചില്ല. എന്നാൽ അവർ വന്നു!

അയ്യോ...

ഒരൊറ്റ നിമിഷത്തിൽ, ഞങ്ങളുടെ ജീവിതത്തിലെ എല്ലാ സ്വപ്നവും തകർന്നു.

മറ്റൊരു ലോകം കണ്ടെത്താൻ ശ്രമിച്ചയാൾ...

ആർക്കും അറിയാത്ത ഏതോ ഒരു ലോകത്തിലേക്ക് പോയി.

അദ്ദേഹത്തിന്റെ മരണശേഷം എനിക്ക് കാനഡയിൽ മറ്റൊരു ആശ്രയവും ഉണ്ടായിരുന്നില്ല.

രോഹിത് വളരേ ചെറുതായിരുന്നു, അതിനാൽ ഞാൻ അവനേം കൂട്ടി വീട്ടിലേക്ക് മടങ്ങി.

നിങ്ങൾ പറയുന്നതിൽ നിന്ന്, എനിക്ക് ഇപ്പോൾ കേസിന്റെ മുഴുവൻ ചരിത്രവും മനസ്സിലായി.

രോഹിതിന്റെ തലച്ചോറിന്റെ എക്സ്-റേയാണ് ഇവ.

ഈ വെളുത്ത 'ഭാഗം' കണ്ടോ? ഇതിനെ 'ഗ്ലിയോസിസ്' എന്ന് വിളിക്കുന്നു.

തലച്ചോറിനുണ്ടായ പരിക്ക് മൂലമാണ് ഇത് സംഭവിക്കുന്നത്.

എന്നാൽ ഡോക്ടർ രോഹിതിന് ഇത്തരത്തിലുള്ള ഒന്നും സംഭവിച്ചിട്ടില്ല.

ശ്രീമതി മെഹ്‌റാ, അപകടസമയത്ത് നിങ്ങൾ വയറിടിച്ചു വീണപ്പോൾ അത് സംഭവിച്ചു...

അത് കുഞ്ഞിന്റെ തലച്ചോറിന് പരിക്കേൽപ്പിച്ചു...

നിങ്ങളുടെ ഗർഭപാത്രത്തിലായിരുന്ന അവന്റെ തലച്ചോറിന്റെ ഈ ഭാഗം കേടായി.

അതുകൊണ്ടാണ് അവന് സാധാരണ മാനസിക വളർച്ച ഇല്ലാത്തതും പഠനങ്ങളിൽ ദുർബലനായതും.

അവന് എട്ട് വയസ്സാണെങ്കിലും, അവന്റെ തലച്ചോർ രണ്ടര വയസുകാരന്റെ തലച്ചോറാണ്.

അവൻ വലുതായാൽ പോലും അവന്റെ മാനസിക കഴിവുകൾ മുരടിച്ചു പോകുമെന്ന് ഞാൻ ഭയപ്പെടുന്നു.

തീർച്ചയായും ഇതിന് ഒരു ചികിത്സ ഉണ്ടാകുമല്ലേ, ഡോക്ടർ?

ഉണ്ട്. മസ്തിഷ്ക ശസ്ത്രക്രിയ.

- എന്നിരുന്നാലും... - എന്നിരുനാലുമെന്താ?

ഈ കേസിൽ വിജയ സാധ്യത വളരേ കുറവാണ്.

ശസ്ത്രക്രിയ പരാജയപ്പെട്ടാൽ അവന്റെ ശരീരം മുഴുവൻ തളർന്നുപോയേക്കാം.

അല്ലെങ്കിൽ അത് മരണത്തിൽ കലാശിച്ചേക്കാം.

ഇല്ലാ. എനിക്ക് ഉണ്ടായിരുന്നതെല്ലാം എനിക്ക് ഇതിനോടകം തന്നെ നഷ്ടപ്പെട്ടു.

രോഹിത് അല്ലാതെ എനിക്ക് ഇനിയൊന്നുമില്ല.

അവനെ നഷ്ടപ്പെടുത്താൻ എനിക്ക് കഴിയില്ല.

"അവന് എട്ട് വയസ്സാണെങ്കിലും, അവന്റെ തലച്ചോർ രണ്ടര വയസുകാരന്റെ തലച്ചോറാണ് ".

"അവൻ വലുതായാൽ പോലും അവന്റെ മാനസിക കഴിവുകൾ മുരടിച്ചു പോയേക്കാം".

ക്ഷമിക്കണംന്നോ, നാശം! നിങ്ങളുടെ പന്ത് വെച്ച് നിങ്ങൾ എന്റെ വീടിന് ഇത് എന്താ ചെയ്തതെന്ന് നോക്ക്.

ഞാൻ പോലീസുകാരനാണ്. നിങ്ങൾ ഇനിയൊരു ജനൽ ചില്ല് കൂടി പൊട്ടിച്ചാൽ...

ഞാൻ നിങ്ങളെ അകത്താക്കും. മനസ്സിലായോ?

എന്നോട് തർക്കിക്കുന്നോ. തൊട്ടി പിള്ളേര്.

ഞാൻ നിങ്ങൾക്ക് ഇതെന്ത് ദോഷമാ ചെയ്തത്? നിങ്ങൾ വീണ്ടും എന്റെ ജനൽചില്ല് തകർത്തു!

ഞാൻ നിങ്ങളുടെ ജനൽ ചില്ല് പൊട്ടിച്ചു. എന്നാൽ ഞാൻ ക്ഷമ ചോദിക്കമല്ലോ!

നിങ്ങൾ എനിക്ക് വല്ല ഉപകാരവുമാണോ ചെയ്യുന്നത്? എത്ര വർഷമായി ഞാൻ നിങ്ങളെ സഹിക്കുന്നു!

ഇന്ന് ഞാൻ നിങ്ങളെ വിടാൻ പോകുന്നില്ല. വിടില്ല ഞാൻ!

- ആരും പേടിക്കേണ്ട. - ആ, അയാൾ വരട്ടേ.

ദൈവമേ! ദേ, എല്ലാവരും നോക്കൂ. അവർ എന്താ ഈ ചെയ്തത്! എല്ലാ ജനൽ ചില്ലുകളും അവർ നശിപ്പിച്ചു!

മഴ, സൂര്യപ്രകാശം, പൊടി...

എല്ലാം അകത്തുണ്ട്, ഞാനൊഴികെ!

ദേഷ്യപ്പെടരുത് അമ്മാവാ.

ഞാൻ വലുതാകുമ്പോൾ, ഞാൻ നിങ്ങളുടെ എല്ലാ ജനലുകളും ശരിയാക്കാം.

വലുതാവാനോ? ഇനിയും എത്രത്തോളം നിനക്ക് വളരണം? നിനക്ക് ഇപ്പോൾതന്നെ ഒരു മരത്തോളം ഉയരമുണ്ട്.

- നിനക്ക് ഈഫൽ ടവറെങ്ങാനും ആകണോ? - ഞങ്ങളുടെ സുഹൃത്തിനെ അപമാനിക്കരുത്.

നിങ്ങളുടെ എല്ലാ ജനാല ചില്ലുകളും ഞങ്ങൾ മാറ്റിത്തരും.

എന്നാൽ മാറ്റിത്താ!

- എങ്കിൽ ഞങ്ങൾക്കാദ്യം അഞ്ഞൂറു രൂപ തരൂ. - അഞ്ഞൂറു രൂപയോ? എന്തിന്?

കണ്ടില്ലേ, ഞങ്ങൾക്ക് പുതിയ ജനൽചില്ല് വാങ്ങേണ്ടിവരും, അതിന് ഞങ്ങൾക്ക് പണം തരൂ.

റാസ്‌ക്കൽസ്! നിങ്ങൾ ഒരു പോലീസുകാരനോട് പണം ചോദിക്കുന്നോ ?

ഞാൻ നിങ്ങൾക്ക് നല്ല തല്ലു തരുന്നതിനു മുമ്പ് പോടാ! അലമ്പ് പിള്ളേര്!

മോനേ രോഹിതേ. വേഗമാവട്ടെ. നമ്മൾ സ്കൂളിൽ വൈകും.

ദൈവമേ, ഇന്ന് വളരെ പ്രധാനപ്പെട്ട ദിവസമാണ്. ഞാൻ ഒരു ഉയർന്ന ക്ലാസിലേക്ക് പോകുകയാണ്.

ഏഴാം ക്ലാസിലേക്ക്. ദൈവമേ, എന്നെ കാത്തോളണേ.

മാ, നിങ്ങൾ ഒരിക്കലും സ്കൂളിൽ പോയിട്ടില്ലേ?

ഞങ്ങൾ പഴയ പുസ്തകങ്ങൾ പുതിയ ക്ലാസ്സിലേക്ക് കൊണ്ടുപോകാറില്ല.

എനിക്ക് ഏഴാം ക്ലാസിൽ പുതിയ പുസ്തകങ്ങൾ തരും.

നീ ഏഴാം ക്ലാസിലേക്ക് പോകുന്നില്ല.

എന്തുകൊണ്ട് പറ്റില്ല? എന്റെ എല്ലാ സുഹൃത്തുക്കളും പോകുന്നുണ്ടല്ലോ!

നീ പരീക്ഷക്ക് തോറ്റുപോയി.

ഞാൻ വീണ്ടും തോറ്റോ?

ആ.

ഞാൻ സ്കൂളിൽ പോകില്ല. ഒരിക്കലും പോകില്ല!

ആ ടീച്ചർ ഒരു ദുഷ്‌ഠനാണ്. ഞാൻ നന്നായി പഠിക്കുന്നുണ്ട്, എന്നാൽ അയാൾ എപ്പോഴും എന്നെ തോൽപ്പിക്കുന്നു.

അയാൾ മറ്റെല്ലാവരേയും ജയിപ്പിക്കുന്നു. അതുകൊണ്ട് ഞാൻ സ്കൂളിൽ പോകില്ല.

ഇത്തവണ നന്നായി പഠിക്കൂ രോഹിതേ. നീ തീർച്ചയായും ജയിക്കും.

ഇല്ല.

എന്റെ ക്ലാസ്സിൽ പുതിയ കുട്ടികൾ ഉണ്ടാകും, മാ...

അവർ എന്നെ കളിയാക്കുകയും മറ്റും ചെയ്യും.

അവർ എന്നെ തോട്ടിയെന്നും മറ്റും വിളിക്കും. ഞാൻ സ്കൂളിൽ പോകുന്നില്ല.

ആ പുസ്തകങ്ങൾ വലിച്ചെറിഞ്ഞോളൂ, എനിക്ക് അവ വേണ്ട.

നിങ്ങളിതെന്താണ് പറയുന്നത്, മിസിസ് മെഹ്‌റാ?

രോഹിത്തിനെ ഏഴാം ക്ലാസിലേക്ക് ജയിപ്പിക്കുന്നത് മറന്നേക്കൂ...

ഒന്നാമത് അവൻ ഈ സ്കൂളിലേ പാടില്ല.

അവനെപ്പോലുള്ള കുട്ടികൾക്കായി പ്രത്യേക സ്കൂളുകൾ ഉണ്ട്.

ഈ പട്ടണത്തിൽ അത്തരമൊരു സ്‌കൂൾ ഇല്ല.

എന്നാൽ ഞാൻ ദില്ലിയിലേക്ക് ട്രാൻസ്ഫർ കിട്ടാൻ ശ്രമിക്കുകയാണ്...

അവിടെ രോഹിതിനെപ്പോലുള്ള കുട്ടികൾക്ക് പ്രത്യേക സ്കൂളുകൾ ഉണ്ട്.

ഞാൻ ജോലി ചെയ്യുന്ന ബാങ്ക് ചെയർമാൻ എനിക്ക് ഒരു ട്രാൻസ്ഫർ തരാമെന്ന് പറഞ്ഞിട്ടുണ്ട്.

ഇത് ഒരു വർഷത്തെ കാര്യം മാത്രമാണ്, സാർ.

അവസാനത്തെ ഉപകാരം, സാർ.

കുട്ടികളെ പഠിപ്പിക്കുന്നത്, അധ്യാപകർ ഒരിക്കലും ഒരു ആനുകൂല്യമായി പരിഗണിക്കാറില്ല.

എന്നാൽ അവന് ഇതുപോലുള്ള ഒരു പ്രമോഷൻ നൽകുന്നത് ഒരു തരത്തിലും അവനെ സഹായിക്കില്ല.

അച്ചോ, രോഹിത് ഒരിക്കലും ഞാനോ അവന്റെ അച്ഛനോ...

ആഗ്രഹിച്ചതു പോലെയൊരാൾ ആകില്ലെന്ന് എനിക്കറിയാം.

എന്നാലും, രോഹിതിന്റെ സന്തോഷത്തിനായി മാത്രം...

പ്ലീസ്, അവന്റെ സന്തോഷത്തിന് വേണ്ടി മാത്രം...

ശരി, മിസിസ് മെഹ്റാ. ഇത് അവസാനത്തേതാണ്.

'X' 12 ന് തുല്യവും 'y' 8 ന് തുല്യവുമാണെങ്കിൽ...

x അധികം 3y എന്തായിരിക്കും? വേഗം നോട്ട്ബുക്കിൽ ഉത്തരം എഴുതൂ.

X അധികം 3y എത്രയായിരിക്കും? നിന്റെ ഉത്തരം എന്നെ കാണിക്കൂ.

ഇതാണ് ശരിയായ ഉത്തരം.

അടുത്ത തവണ ക്ലാസ്സിൽ ഉയരുന്ന ആദ്യ കൈ നിന്റേതായിരിക്കണം.

നീ എന്തിനാണ് തല കുലുക്കുന്നത്? ഈ തെങ്ങ് പോലെ നീണ്ട...

നിനക്ക് ഈ പീക്കിരികളുടെ കൂടെ നടക്കാൻ നാണമില്ലേ?

ഞങ്ങളുടെ വഴീന്ന് മാറിപ്പോ.

ഞങ്ങൾ ആദ്യം ഇവിടെയെത്തി, അതുകൊണ്ട് ഞങ്ങൾ ആദ്യം കടക്കും.

നിങ്ങളുടെ ബൈക്ക് ഞങ്ങളുടെ വഴിയിൽ നിന്ന് മാറ്റ്.

ഞങ്ങളുടെ ജീവിതത്തിൽ റിവേഴ്സ് ഗിയർ ഇല്ലെടോ, മന്ദബുദ്ധീ.

ഞങ്ങൾ ഇട്ടു തരണോ? അല്ലേലും നിങ്ങൾ എപ്പോഴും പിന്നോട്ടാണല്ലോ പോകുന്നത്!

രാജ്, അവൻ കൂടുതൽ സംസാരിക്കാൻ തുടങ്ങിയല്ലോ.

രോഹിതേ, ഈ നായ്ക്കൾ ഇന്ന് വല്ലാതെ കുരയ്ക്കുന്നുണ്ടല്ലോ.

നമുക്ക് അവർക്കിട്ട് ഒരു ഇഞ്ചക്ഷൻ കൊടുത്താലോ.

- ഓ ആ, ഫോർമുലയോ... - 320!

അവനെ പിടിക്ക്.

മാറ്... മാറ്...

ഇത്ര തിരക്കിൽ നിങ്ങൾ മാന്യൻമാർ എങ്ങോട്ടാണ് പോകുന്നതെന്ന് ഞാനൊന്ന് ചോദിക്കട്ടേ.

ഒരു നിരോധിത മേഖലയിലേക്ക് കടക്കാൻ നിങ്ങൾക്ക് എങ്ങനെ ധൈര്യം വന്നു?

അവൻ ഞങ്ങളുടെ ബൈക്കുകൾ തട്ടിയിട്ടു, സാർ.

നിങ്ങൾക്ക് ട്രാഫിക് നിയമങ്ങൾ ലംഘിക്കാമെന്ന് അതിനർത്ഥമില്ല.

സുഖ്‌വാനീ, അവന്മാർക്ക് ഫൈൻ എഴുതിക്കൊടുക്ക്.

ക്ഷമിക്കണം, സാർ. ഒരുപക്ഷേ ഞാൻ ആരാണെന്ന് നിങ്ങൾക്കറിയില്ല.

എനിക്കറിയാം. നീ ജില്ലാ കളക്ടർ ഹർബൻസ് സക്‌സേനയുടെ മകൻ, രാജ്.

സുഖ്‌വാനീ, ഇവനിൽ നിന്ന് ഇരട്ടി പിഴ വാങ്ങ്.

ഉവ്വ് സാർ.

പിന്നെ ഈ വാർത്ത പ്രാദേശിക പത്രങ്ങളിലും കൊടുക്ക്.

ആളുകൾ അറിയണം, ഇൻസ്പെക്ടർ ഖാൻ ചുമതലയിലുള്ളപ്പോൾ...

ആർക്കും കാര്യങ്ങളെ നിസ്സാരമായി കാണാനാവില്ല. അവൻ ജില്ലാ കളക്ടറുടെ മകനെന്നല്ല...

ഇനി ജില്ലാ കളക്ടർ തന്നെ ആണെങ്കിൽ പോലും...

നിങ്ങൾക്ക് കാര്യം മനസ്സിലായെന്ന് ഞാൻ പ്രതീക്ഷിക്കുന്നു.

കേണൽ! പുറത്തുവാ!

എടാ പന്ന ഹാർബൻസ്! നിന്നെപ്പോലൊരു മണ്ടനെ ഞാൻ കണ്ടിട്ടില്ല !

എന്നെ സ്വീകരിക്കാൻ പോലും നീ വരില്ലല്ലേ?

മൽ‌ഹോത്രേ, നിന്നെക്കാൾ വലിയ ഒരു വിഡ്ഢി ഈ ലോകത്തിൽ‌ ഉണ്ടാവില്ല!

നിങ്ങൾ വരുന്നുവെന്ന് ഒരു ഫാക്സ് അയച്ചു, പക്ഷേ എപ്പോൾ, എങ്ങനെ എന്ന് നീ എന്നോട് പറഞ്ഞില്ല!

എടോ വിഡ്ഢീ, പിന്നെ ഞാൻ നിങ്ങളെ സ്വീകരിക്കാൻ എവിടെ വരും?

അടങ്ങൂ... ഇതുപോലെ ചീത്ത വിളിച്ചാണോ ഒരാളെ നിങ്ങൾ സ്വാഗതം ചെയ്യുക?

എന്നാൽ ഈ മരയോന്ത് അങ്ങനെയാണ്! അവനെ നോക്കു! അവൻ എന്നെ ആലിംഗനം ചെയ്യുക പോലുമില്ല.

എന്റെ പ്രിയ സുഹൃത്തേ! നിന്നെ കണ്ടതിൽ‌ വളരേ സന്തോഷം.

ഇപ്പോൾ അദ്ദേഹം വിരമിച്ചു...

ജീവിതകാലം മുഴുവൻ തന്റെ സുഹൃത്തിനോടൊപ്പം ചെലവഴിക്കാനാണ് അദ്ദേഹം വന്നത്.

ഈ സൗഹൃദം ഈ വർഷം മുഴുവൻ നമ്മൾ ആഘോഷിക്കും.

അതിന്റെ തുടക്കമായി, ഇന്ന് വൈകുന്നേരം നമ്മുടെ ബംഗ്ലാവിൽ ഒരു വലിയ പാർട്ടി നടത്തും.

- കുറഞ്ഞ പക്ഷം ഒന്ന് വന്ന് ഇരിക്കൂ. - വരൂ.

ശരി, ശരി! നിങ്ങളോട് ഏറ്റവും പ്രധാനപ്പെട്ട ചോദ്യം ചോദിക്കാൻ ഞാൻ മറന്നു !

നമ്മുടെ കുഞ്ഞിപ്പാവ എവിടെ...? നമ്മുടെ കൊച്ചുപെണ്ണ്?

- നിങ്ങളുടെ കുഞ്ഞിപ്പാവ വളർന്നു വലുതായി. - അതേയോ?

പക്ഷേ അവൾ എവിടെയാണ്, ഇന്ദൂ?

- നീ എന്താണ് വൈകിയത്? - ഒട്ടും വൈകിയില്ല.

ബസ് ഇനിയും വന്നിട്ടില്ല...

മൂന്നര മണിക്കൂർ സിനിമ കാണുന്നതിനിടക്ക് ഒരു സ്ഫോടനം നടന്നേക്കാം!

- മൂന്നര മണിക്കൂർ സിനിമയോ? - അതാണ് ഇന്നത്തെ ഫാഷൻ.