The Mad Monk (濟公)

參見玉帝

眾卿家，大發雷霆，所為何事？

皇母，你講先

玉帝，降龍羅漢將我棵蟠桃樹嗰啲仙桃

冚唪唥偷晒去俾牛郎嗰啲牛食呀

唏，點止呀，佢仲串通啲喜鵲

日日搭條鵲橋俾牛郎同織女幽會

仆街喇，已經痾咗成竇仔女出嚟啦

玉帝，下面凡間啲男女關係

應該由我管開嘅

點知佢嚟到搞亂檔攤

搞到皇帝走去追隻雞

堂堂一個公主竟然同一個乞兒私奔喎

我話佢兩句之嘛

個衰人就偷咗我隻哮天犬去炆枝竹喇

你係邊鬼個呀？

在下二郎神呀

玉帝，我隻眼都係俾個衰人篤盲埋㗎

呢隻都係哮天犬嘅老替嚟咋

國有國法，天有天條

呢個降龍目無皇法

我希望玉帝批准我郁佢

嘿，財神你唔駛咁衝動

唏，呢啲算小事呀

佢撻咗我本生死冊改到亂晒坑

凡間十八年嚟都未死過人

搞到啲忤怍佬無得撈

仲搞咗五六百歲人魔出嚟

玉帝，呢壇嘢你搞唔掂佢

我閻王一於告上九重天

玩大佢為止

人嚟，馬上同我捉降龍上殿

係

喂…駛唔駛咁大力呀

瞓緊晏覺㗎嘛，大佬

呀…乜咁人齊呀，各位

咩呀…

你邊係降龍，你係伏虎之嘛

一樣啫，降龍伏虎一樣之嘛

伏虎

玉帝

又唔關你事，你做咩上嚟呀？

我咪代表降龍嚟同大家道個歉囉

你咁有義氣

恐怕你都有份呀

喂，邊關我事呢？我…

超，神仙大晒咩？

哎，哎呀…

伏虎，你硬係多事幹嘅

不過做兄弟嘅，你都算幾夠雷

心領嘞

多謝…

喂，家吓咁嘅情況

求其認句錯咪撐囉

認句錯就想撐呀？

我哋兩兄弟講嘢，幾時輪到你插咀呀

你個灶君，逢年尾喺下面搵著數

人哋俾唔夠你，你就上嚟唱衰人哋呀

插佢 插佢

喂，啱啱插完仲好痛喎，又插？

區區一個羅漢

乜嘢事都要你理囉喎

豈有此理你話，你偷咗我蟠桃

你好賠囉喎噃

皇母，分啲俾人冇乜大不了呀

咩呀？

你年年生日吔蟠桃都吔到漏啦

咩呀？

今年轉吓口味吔條蕉吖

吓？

咩呀？

條氣唔順當面同我講

唔好搵隻狗吠吠拱

咪以為換咗斑點

我照噍呀講你聽吖

到邊個？

就你啦

你呢個月老

持住有幾條紅繩就將下面啲凡人玩到謝

好似嗰個梁山伯同祝英台咁之嘛

你做咩係都唔肯將人綁埋一齊啫

搞到人哋撞晒墳嘔晒血咁

人哋有咩嘢對你唔住呀

你老啦，你好退休啦

唔係啲紅繩遲啲實綁到亂晒籠

就搞到男同男，女同女，再搞落去啦

就人同豬，蟑螂同牛，咁你話嘞

最慘就係蓮藕同石頭 係呀

插佢

人哋幾廿歲，咪恰得就恰喎

做㗎樑呀，閻羅王你

插佢

唔好吓吓話插，家吓我哋講道理嘅

你隻手…

點解下面凡間有個女人生咗十六個女

你都唔肯俾個仔人哋，點解？

搞到個女人終於睇唔開，跳海自盡

落到下面，佢都仲要話人哋係枉死

將人扔咗落個油鑊嗰度

炸到好似個鹹煎餅咁樣

呀…你話，天理何在？

呀龍…降龍…

暈就得㗎啦

人嘅命運一早已成定數

並無不妥

幾時輪到你無理取閙呀？

我哋只係照例執行啫 玉帝…

咩嘢照例執行呀？

邊個訂嘅例呀？

邊個夠膽一定話啱㗎？

正所謂天外有天

玉帝你訂嘅嘢

若然被九重天嘅菩薩聽到

怕且覺得白癡兼搞笑咋

太過分啦

玉帝，各位仙友

本人覺得降龍羅漢實在太囂張啦

我財神為咗顧存大局

請玉帝批准我同佢隻揪

哈哈… 收嗲，你收嗲啦

我要同佢隻揪 打死人咩

我要同佢死過

我唔會放過你㗎

嚇得我呀

聽住，就算天條幾咁唔啱

總有一條可以定你嘅罪

押佢兩個落去凡間

一個做豬一個做狗

十世不得輪迴

咪住先

咩事呀

你話做就做呀

我話做就做囉

咁我夠話你做蟑螂，一齊呀

哎呀…拉佢兩個落去

咩呀？

咪住，唔好亂嚟…

參見大使

玉帝，我哋每一位成仙至今

少說亦有一萬幾千年

世情種種，凡間一切，在我哋嚟講

係遙遠而微不足道㗎

今日被降龍羅漢咁閙一鬧

或者係一個機緣

何不借呢一個機緣嚟了解一下凡人

仲係咪咁愚昧無知

抑或有所進步？

聽觀音大使講嘢，真係聽出耳油

舒服…

大使

呢個小子借住為人間抱不平為藉口

以下犯上啫

你唔好亂講喎，閻羅王

大使自有分數嘅

降龍，你做咁多嘢，目的何在呀？

我祇係想呢班自以為高高在上嘅神仙

能夠真真正正咁體驗一下啲凡人

因為佢哋一世人祇得區區幾廿年命

唔好話做錯咗一兩次錯事就翻唔到身

因為細佬我相信

無論佢哋幾蠢幾無知

幾惡幾抵死都好

始終都係…即係…都係…

都係乜嘢呀…

講啦

即係…個意思即係…

都係人間有情

係咪呀降龍？

係，就係呢樣

不如咁啦，親身落去凡間體驗一下

由你開始，好唔好呀？

怕你呀，我正有此意

咁你點證明呀

我哋已經揀咗三個人版

呢三個人嘅命運已經註定咗

一個要做九世乞兒

一個做九世臭雞

一個係九世惡人

降龍

如果你能夠改變佢哋嘅命運嘅話

咁…就算你贏嘞

你講得啲神仙咁衰呀，好

你就用凡人嘅身份落去

唔准用法力

唔准帶法力？

唔用都啱嘅，降龍

就用你嘅誠意去感化佢哋啦

好，保證唔會令你失望

你等我

我就俾三日時間你

多謝

不過兩日半已經夠

（南天門）

唔係事必要你聽，但你今日所聽嘅一切

如果唔照足嚟做

咁你就以後唔駛指意返上天宮嘞

第一，除非你有公文批准

否則唔准擅自進入天宮

第二，你唔可以帶任何法力落去

阿龍…龍