Wonka

Eftir árin sjö á sjó ég landið eygi

Og ég kemst nú loks úr heimshafanna klóm

Hefur dreymt um þessa borg á hverjum degi

Þarna kem ég brátt að landi

Heyri hafnarbjölluhljóm

Land fram undan!

Ég á rifna yfirhöfn og snjáða tösku

Bless, matsveinn.

Og á skónum ansi vegleg göt má sjá

Afsakaðu, kokkur.

Kominn tími til að rísa

Upp úr ösku

Verð að vinna eins og skepna

Til að hafa í mig og á

Alla ævi hef við súkkulaði brasað

Ég mun selja það við mikla gleði og glaum

Gangi þér vel, Villi!

Ég á tólf silfurskildinga

Í vasa

Bless, kokkur!

Og í hattinum draum

Hér má finna margan nafntogaða brytann

Hjá Brandino eða á Parisienne-bar

- Veitingahúsakort? - Takk.

Ég fékk lítið kort sem vísar mér á bitann

SÆLKERASLÓÐ

En hvar áður voru tólf

Nú eru tíu skildingar

Mestu kræsingar við öllum hérna blasa

Þrjá skildinga.

En ég okurverði gef að vísu gaum

Þú brýtur, þú borgar.

Ég á...

Fimm, sex, sjö.

Sex silfurskildinga í vasa

Og í hattinum draum

- Bursta frakkann? - Nei, takk.

- Ilmvatn? - Láttu mig vera.

SÆLKERASLÓÐ

Og loks...

Á sælkeranna slóð

SNIGILS GÆÐASÚKKULAÐI

Ég vissi að reynslan yrði góð

FÍNASTA SÚKKULAÐI FINKUGRUBBA

Eins og þú lýstir, mamma

Og miklu meira en það

Við sérhvert horn má finna Frægan súkkulaðistað

Hingað liggja allir örlaganna þræðir

Mun ég hrapa eða svífa í hæstu hæðir?

Súkkulaðið mitt er allt sem frá mér flæðir

Og í hatti

Á ég draum

Já!

WONKA HÁTÍÐAROPNUN

Enga dagdrauma.

TIL LEIGU DAGDRAUMASEKT

Já, og hagsældin hér enga getur flúið

Ef þeir sýna iðjusemi við sitt fag

Enginn sagði að það yrði svona snúið

Bara að láta silfurskildingana

Endast heilan dag

Gætirðu gefið mér skilding fyrir náttstað, ljúfur?

Auðvitað.

Hérna. Taktu allt sem þú þarft.

Þakka þér fyrir.

Ég á einn silfurskilding enn í vasa

Og í hattinum draum

Svona.

Einn drykk fyrir háttinn.

Allt í lagi.

Halló. Nei, hættu þessu. Farðu.

Snáfaðu burt!

Burt með þig! Burt!

Hættu!

Sestu.

Afsakaðu Tedda.

Hann hefur óvenjulegan áhuga á fótleggjunum á þér.

Hljóta að vera buxurnar.

Ég fékk þær frá bréfbera í Minsk.

Það er málið.

Teddi myndi eyða öllum deginum í að elta bréfbera ef hann gæti.

Ekki satt, karlinn?

Ætlarðu nokkuð að sofa þarna, vinur?

Aðeins eina nótt.

Á sama tíma á morgun verð ég ríkur.

Á sama tíma á morgun verður þú gaddfreðinn.

Hvaða vitleysa.

Kannski er of kalt fyrir útilegu.

En ég hef því miður ekki efni á herbergi.

Það var leitt að heyra.

En það vill svo heppilega til

að ég þekki aðila sem gæti hjálpað þér.

Er það?

Hér er þetta, herra Wonka. Heima er best.

Farðu með skítugar loppurnar af hurðinni, hundskratti.

Eins gott að þú sért með ginið, Bleikir.

Ég er með nokkuð betra en gin, frú Skrúbba.

Ég er með gest.

Því sagðirðu það ekki?

Komdu inn, herra.

Velkominn á Gistiheimili og þvottahús Skrúbbu og Bleikis.

Vertu eins og heima hjá þér og yljaðu þér við eldinn.

Gin?

Núðla!

Já, frú Skrúbba?

Leggðu bókina frá þér og færðu gestinum gin.

Garmurinn er hálffrosinn.

Takk, frú Skrúbba. Þið eiginmaðurinn eruð mér góð.

Eiginmaður?

Hann?

Eiginmaður.

Vildirðu það ekki?

Nei.

Ég bíð eftir miklu betri manni en þessum lata ónytjungi.

Skál í boðinu.

Þetta er alveg rótsterkt.

Virkar sem eldsneyti.

Hvað má bjóða þér? Herbergi?

Já, en...

Herra Wonka er á flæðiskeri staddur.

Nei, þú segir ekki.

Það er því miður satt.

En hagurinn vænkast brátt.

- Nú? - Sjáðu til...

ég er töframaður,

uppfinningamaður og konfektmeistari.

Strax í fyrramálið, á Sælkeraslóð, ætla ég að afhjúpa

undraverðasta sköpunarverk mitt.

Þið verðið agndofa þegar ég kynni...

Teketil?

Nei, hann er bara fyrir te.

Augnablik.

Þetta fer í kássu.

Þetta er hérna.

Engar áhyggjur. Ég sé að þú ert hugvitsmaður.

Við höfum það sem þú þarft.

Frumkvöðlapakkann okkar.

Nóttin kostar skilding

en greiðslufrestur er til 18 á morgun. Er það nægur tími?

Meira en nægur tími.

Takk fyrir.

Minna má það varla vera fyrir ókunnuga í neyð.

Kvittaðu hérna og allt er klárt.

Allt í lagi.

Lestu smáa letrið.

Hvað segirðu?

Þakka þér fyrir, Núðla.

Hvað sagði hún?

- Hver? - Stúlkan.

- Hvaða stúlka? - Það hljómaði eins og...

"lestu smáa letrið" og það...

SKILMÁLAR

Það heldur bara áfram.

Ekki hlusta á Núðlu, Wonka. Hún er sködduð.

Sködduð?

Munaðarleysingjaheilkenni.

Munaðarleysingjaheilkenni?

Munaðarleysingjaheilkenni.

Munaðarleysingjaheilkenni.

Hún var sett í þvottarennuna

þegar hún var barn og ég tók hana að mér.

Ég hef gert mitt allra besta

en hún er tortryggin að eðlisfari.

Hún sér samsæri í hverju horni.

Stúlkugreyið.

Ég veit.

Þetta er dæmigerður samningur

en þér er velkomið að lesa hann.

Ég renni yfir hann.

Þetta er allt í fína.

Í alvöru?

Halló.

Velkominn til Skrúbbu.

KOMDU YFIR NÓTT OG GISTU AÐ EILÍFU!

Gjörðu svo vel.

Frumkvöðlasvítan.

Þarna er rúmið, vaskurinn og sápan

og minta á koddanum.

Frábært.

En vingjarnlegt fólk.

Núðla!

Ó, Núðla!

Já, frú Skrúbba?

Ég leitaði að þér.

Hvað viltu?

Kenna þér lexíu, bókaormur.

- Hvað gerði ég? - Þú veist það, krakkagerpi.

- Vertu kyrr. - Ekki.

Ef þú truflar viðskiptin aftur

færðu að dúsa í kofanum í viku. Skilurðu það?

Já, frú Skrúbba. Mér þykir þetta leitt.

Það er eins gott.

Þá er komið að því, mamma.

Dömur mínar og herrar á Sælkeraslóð,

ég heiti Villi Wonka

og ég ætla að sýna ykkur kostulegt konfekt,

makalausan mola

og ofurgott gotterí

sem er engu öðru líkt.

Hafið hátt og hlustið hljótt.