Ramayana : The Legend of Prince Rama
Descargar subtítols en Malayalam
Información d'a versión
Etiquetas
Anvista previa d'os subtitulos en Malayalam
As primeras 200 linias.
എംസോൺ റിലീസ് - 3475
ക്ലാസിക് ജൂൺ 2025 - 02
പണ്ടുപണ്ട്, ഭാരതത്തിന്റെ തെക്കേയറ്റത്തുള്ള ദ്വീപായ ലങ്കയിൽ,
രാവണനെന്ന രാക്ഷസരാജാവ് വസിച്ചിരുന്നു.
മൂന്നുലോകവും അടക്കിവാഴാനുള്ള ആ അരക്കന്റെ ദുരാഗ്രഹം...
...സർവ്വരുടെയും ദുരിതത്തിനും വേദനയ്ക്കും കാരണമായി.
ഇതേ സമയം, ഉത്തരേന്ത്യയിലെ കോസലരാജ്യത്ത്,
ദയാലുവായ ദശരഥരാജന്റെ കീഴിൽ പ്രജകൾ അഭിവൃദ്ധി പ്രാപിച്ചുവന്നു.
എങ്കിലും, കോസലരാജ്യത്തിന്റെ തലസ്ഥാനമായ അയോദ്ധ്യയുടെ സങ്കടം...
...അവരുടെ അരചനൊരു അനന്തരാവകാശിയില്ലെന്നതായിരുന്നു.
വസിഷ്ഠമുനിയുടെ ഉപദേശപ്രകാരം, ദശരഥ മഹാരാജാവ് പുത്രഭാഗ്യത്തിനായി...
...പുത്രകാമേഷ്ടിയാഗം നടത്തുകയുണ്ടായി.
തൽഫലമായി, അദ്ദേഹത്തിന്റെ മൂന്നു പത്നിമാരും ഗർഭംധരിക്കുകയും...
...നാല് സൽപുത്രന്മാർ പിറക്കുകയും ചെയ്തു.
അവരിലൊരാളായ രാമനാണ്...
...ഈ കഥയിലെ നായകൻ.
ദശരഥരാജന്റെ പട്ടമഹിഷിയായ കൗസല്യാദേവിയുടെ പുത്രൻ.
ഭൂമിയിൽ ധര്മ്മക്ഷയം ഉണ്ടാകുമ്പോഴെല്ലാം,
രക്ഷയ്ക്കായി മഹാവിഷ്ണു അവതരിക്കും.
മഹാവിഷ്ണുവിന് പത്ത് അവതാരങ്ങളാണുള്ളത്.
അതിൽ ഏഴാമത്തേതാണ് ശ്രീരാമൻ എന്നാണ് വിശ്വാസം.
രാമന് പതിനഞ്ചു വയസ്സായപ്പോഴേക്കും...
...രാവണന്റെ ശക്തികൾ പൂർവ്വാധികം വർദ്ധിച്ചിരുന്നു.
രാവണന്റെ മാതുലനായ മാരീചനും മാരീചന്റെ അമ്മയായ താടകയും...
...നഗരാതിര്ത്തിയിലെ വനത്തില് കഴിഞ്ഞിരുന്ന...
...വിശ്വാമിത്രമഹര്ഷിക്കും മറ്റു മുനിമാര്ക്കും...
...നിരന്തരം ഉപദ്രവമുണ്ടാക്കിയിരുന്നു.
ദിനംതോറും അവര് സന്ന്യാസിമാരുടെ യജ്ഞത്തിന് വിഘ്നം വരുത്തി.
അങ്ങനെയൊരു ദിവസം...
പരമവന്ദനീയനായ മഹാവിഷ്ണോ,
ഈ പീഡയില്നിന്നും ഞങ്ങളെ രക്ഷിക്കാന് ആരുമില്ലേ?
കോസലരാജ്യാധിപൻ ദശരഥന്റെ സീമന്തപുത്രന്!
രാമനെന്നാണ് അവന്റെ പേര്.
പരിഭാഷ: വിഷ്ണു എം കൃഷ്ണൻ & എൽവിൻ ജോൺ പോൾ
അയോദ്ധ്യാപുരി
അല്ലയോ താപസകുലോത്തമാ,
അങ്ങയുടെ ആഗമനംമൂലം ഈ രാജസദസ്സ് ധന്യമായിരിക്കുന്നു.
അങ്ങയ്ക്കുവേണ്ടി എന്താണ് ഞാന് ചെയ്യേണ്ടത്?
ദയവുചെയ്ത്, അവിടുന്ന് കല്പ്പിച്ചാലും!
സൂര്യവംശത്തിലെ മഹാനായ ദശരഥരാജാ, കേട്ടാലും...
ദുഷ്ടരായ രാക്ഷസക്കൂട്ടം ഞങ്ങളുടെ തപോവനമാകെ അശുദ്ധമാക്കി.
ഞങ്ങള് വലിയ ക്ലേശത്തിലാണ്.
അങ്ങയുടെ മൂത്ത പുത്രന് രാമനെ നമ്മോടൊപ്പം അയച്ചാലും.
രാമനോ? അവനൊരു കൊച്ചുകുട്ടിയല്ലേ!
ഈ ഞാന്തന്നെ വന്ന് അവരുടെ ശല്യം തീര്ത്തുതരാം, മുനിവര്യാ.
ഇത് ഈശ്വരേച്ഛയാണ്, രാജന്!
അത് നിരസിക്കാന് അങ്ങയ്ക്ക് ധൈര്യമോ?
ഭയം വേണ്ട, രാജൻ. രാമനെ അയച്ചോളൂ.
ഒപ്പം ലക്ഷ്മണനെയും.
വിശ്വാമിത്രൻ ശക്തനും ജ്ഞാനിയും...
...ദിവ്യായുധങ്ങൾ യഥായോഗ്യം പ്രയോഗിക്കാൻ കഴിവുള്ളവനുമാണ്.
അദ്ദേഹമവരെ കാത്തുരക്ഷിക്കും.
രാമാ, ലക്ഷ്മണാ.
എന്റെ പൊന്നോമനകളേ, ഇവിടെ വരൂ.
അല്ലയോ വിശ്വാമിത്രമഹർഷേ,
എന്റെ ഓമനകളെ അങ്ങയോടൊപ്പമിതാ അയയ്ക്കുന്നു.
അവർക്ക് മാർഗ്ഗനിർദ്ദേശങ്ങളും മനോവീര്യവും നൽകിയനുഗ്രഹിച്ചാലും.
നന്ദി, മഹാരാജൻ.
അങ്ങിപ്പോൾ കൈക്കൊണ്ടിരിക്കുന്നയീ തീരുമാനം ലോകരക്ഷയ്ക്കുതകുന്നതാണ്.
പിതാവിനെ അനുസരിക്കുംപോലെ ഞങ്ങൾ അങ്ങയെയും അനുസരിക്കും.
അങ്ങയുടെ ഇച്ഛാനുസരണം ഞങ്ങൾ പ്രവർത്തിച്ചുകൊള്ളാം.
താടകയുടെ വനം
ഒരിക്കൽ ഇവിടം മനോഹരമായൊരു വനമായിരുന്നു.
പക്ഷേ ഇപ്പോൾ, താടകയെന്നു പേരുള്ള ഭയങ്കരിയായൊരു രാക്ഷസികാരണം,
ഇവിടെല്ലാം വരണ്ടുണങ്ങിയിരിക്കുന്നു.
അവളുടെ മകൻ മാരീചന്റെ നേതൃത്വത്തിൽ നിശാചരന്മാർ...
...ഹോമാഗ്നി അശുദ്ധമാക്കുന്നു.
രാമാ, താടകയെ നീ വധിക്കണം.
അതാണ് നിന്റെ ധർമ്മം.
ക്ഷത്രിയധർമ്മം!
ഞാൻ നിങ്ങൾക്ക് മന്ത്രങ്ങളുപദേശിച്ചുതരാം.
അവ നിങ്ങൾക്ക് മാർഗ്ഗം തെളിക്കും.
എന്നോടൊപ്പം ഉരുവിട്ടോളൂ.
നിര്ത്തൂ!
ആ മന്ത്രങ്ങള് എന്റെ കര്ണ്ണങ്ങളെ...
നിസ്സാരമായ ഈ ശരങ്ങള്ക്ക് എന്നെയൊന്നും ചെയ്യാന് കഴിയില്ല.
രാമാ, ആ മന്ത്രം ചൊല്ലൂ. അത് ഉരുവിട്ടുകൊണ്ടെയ്യൂ!
വർഷങ്ങൾക്കു മുമ്പ്,
ഇതേ സ്ഥലത്തുവച്ച്,
ദേവകൾ എന്റെ തപസ്സിൽ സംപ്രീതരായി...
...ദിവ്യായുധങ്ങൾ നൽകി എന്നെ ആശീർവദിക്കുകയുണ്ടായി.
ആ ശസ്ത്രങ്ങൾ,
ഉത്തമനായൊരാൾക്കു കൈമാറാനുള്ള സമയം ആസന്നമായിരിക്കുന്നു.
ഗ്രഹിച്ചാലും, രാമാ. യഥാതഥമുപയോഗിച്ചാലും.
ഇവയിനി നിന്റെയാണ്.
ധർമ്മരക്ഷാർത്ഥം പ്രയോഗിച്ചുകൊള്ളുക.
അതാ! എന്റെ അമ്മയെ കൊന്നവന്!
അവന്റെ രക്തമൊഴുക്കി ഞാന് പ്രതികാരം ചെയ്യും!
ഇതെന്റെ ശപഥമാണ്!
മാറൂ!
ജ്യേഷ്ഠാ, അങ്ങ് ദിവ്യായുധങ്ങൾ പ്രയോഗിച്ചല്ലോ!
എങ്ങനെ ഇത്രപെട്ടെന്ന്?
ദൈവികമായ ആയുധങ്ങളാണവ.
ധർമ്മിഷ്ഠരായവർക്ക് അദ്ധ്യയനത്തിന്റെ ആവശ്യമില്ല.
ഗുരോ, എങ്ങനെയാണീ ചക്രം പ്രയോഗിക്കുന്നതെന്ന് കാണിച്ചു തരുമോ?
ധർമ്മാനുസരണം, നിന്റെ നിയോഗം സാക്ഷാത്കരിക്കാനുള്ള സമയമായാൽ...
...നീയത് പ്രയോഗിച്ചുകൊള്ളും.
മിഥിലാപുരി
ഏവരും കേൾക്കുവിൻ!
ദേവാദിദേവൻ പരമശിവന്റെ മഹാചാപമാണിത്!
ഇത് ഉയർത്തി ഞാൺ മുറുക്കുന്നയാൾക്ക്...
...ജനകമഹാരാജൻ വലിയ പാരിതോഷികങ്ങൾ നൽകുന്നതാണ്.
ഈ വില്ലു കുലയ്ക്കുന്ന വീരന്,
രാജകുമാരി സീതാദേവിയെ പാണിഗ്രഹണംചെയ്തു നൽകുന്നതായിരിക്കും.
അടുത്തതായി, സൗരവദേശത്തെ കുമാരൻ ജഗതരൻ.
അടുത്തത്, അയോദ്ധ്യാരാജകുമാരൻ രാമൻ.
വിവാഹമംഗളാശംസകൾ, കുമാരാ.
വർഷങ്ങൾ കടന്നുപോയി.
അയോദ്ധ്യാപുരി സമ്പദ്സമൃദ്ധിയിലാറാടി.
ജനങ്ങൾക്ക് രാമനെ ഇഷ്ടമായിരുന്നു,
അവരുടെ യുവരാജാവായും ഭാവിഭരണാധികാരിയെന്ന നിലയിലും.
ആ നാല് സഹോദരങ്ങളും സർവ്വൈക്യത്തോടെ ജീവിതം നയിച്ചു.
അവരുടെ ഭാവി പ്രത്യാശാനിർഭരമായിരുന്നു.
അഭിവന്ദ്യരേ, ഇന്നു രാവിലെ സ്വപ്നത്തിൽ നാം ചില ദുർനിമിത്തങ്ങൾ കാണുകയുണ്ടായി.
വരാനിരിക്കുന്ന വിപത്തുകളുടെ സൂചനയായി രാജഗുരു അതിനെ വ്യാഖ്യാനിക്കുന്നു.
നമുക്ക് പ്രായമേറുകയാണ്.
മാത്രമല്ല, നമ്മുടെ ആരോഗ്യം ക്ഷയിച്ചുവരുന്നതിനാൽ...
...ആ ദുഷ്ടശക്തികളെ എതിർക്കാനുള്ള കരുത്തുമില്ലാതായി.
അതുകൊണ്ട്, രാമനെ നമ്മുടെ അനന്തരാവകാശിയാക്കാൻ...
...നാം തീരുമാനിച്ചിരിക്കുന്നു.
രാമനായിരിക്കും അയോദ്ധ്യയുടെ പുതിയ ഭരണാധികാരി.
മകനേ, ഇങ്ങടുത്ത് വരൂ.
രാമാ, പ്രജകളുടെ പ്രതീക്ഷയ്ക്കൊത്തുള്ള ഭരണം കാഴ്ചവെക്കാൻ നിനക്കു സാധിക്കട്ടെ.
എനിക്കു നിന്നിൽ വിശ്വാസമുണ്ട്.
അച്ഛന്റെ സങ്കൽപ്പത്തിനൊത്തുയരാൻ ഞാനെന്റെ കഴിവിന്റെ പരമാവധി ശ്രമിക്കും.
അയോദ്ധ്യാപുരി നീണാൾ വാഴട്ടെ!
ദശരഥമഹാരാജൻ നീണാൾ വാഴട്ടെ!
യുവരാജാവ് രാമചന്ദ്രൻ നീണാൾ വാഴട്ടെ!
പോ, പോ ഇവിടന്ന്.
ഏതുനേരവും കലപില കലപിലാന്ന്!
എന്തിനാ മന്ഥരേ ആ പക്ഷികളോട് ദേഷ്യപ്പെടുന്നത്?
ഇതാണോ കൈകേയീ, നിനക്ക് അണിഞ്ഞൊരുങ്ങാൻ കണ്ട സമയം?
രാജ്യത്ത് വലിയ അനർത്ഥം സംഭവിക്കാനിരിക്കുമ്പോഴാണോ?
മന്ഥരേ, നിനക്ക് മനസ്സിലായില്ലേ?
നമ്മുടെ പ്രിയകുമാരൻ രാമന് പട്ടാഭിഷേകമാണ് നാളെ.
അതുകൊണ്ടുതന്നെയാ ഞാൻ അനർത്ഥമെന്നു പറഞ്ഞത്.
ഓ, കൈകേയീ...
നീയിത്ര നിഷ്കളങ്കയായല്ലോ!
പാവം!
നോക്ക്, മഹാരാജൻ നിന്നോടുകാണിച്ച വഞ്ചന!
നാവടക്ക്, മന്ഥരേ!
അദ്ദേഹത്തെപ്പറ്റി അരുതാത്തത് പറയരുത്.
എന്തിനാ... പിന്നെന്തിനാ ഭരതകുമാരനെ രാജാവ് കേകയരാജ്യത്തേക്കയച്ചത്?
കിരീടധാരണത്തിനു മുമ്പ്, വളരെ സൗകര്യപൂർവ്വം!
എന്തിനാത്?!
എന്തിന്... എന്തിനദ്ദേഹം അപ്രകാരം പ്രവർത്തിച്ചു?
കൗസല്യ രാജാവിനോടങ്ങനെ പറഞ്ഞുകാണും. അതെ!
നിനക്കറിയാമല്ലോ, രാജാവിനേറെ പ്രിയം നിന്നോടാണെന്ന്.
അതുകൊണ്ട്, കൗസല്യയ്ക്ക് നിന്നെ വെറുപ്പാണ്.
അവൾക്ക് അസൂയയാണ്, അസൂയ!
നിന്റെ യുവത്വത്തെയും സൗന്ദര്യത്തെയും ചൊല്ലി.
എനിക്കെന്തുചെയ്യാൻ കഴിയും?
അതെല്ലാം വിശ്വസ്തയും കൗശലക്കാരിയുമായ...
...ഈ മന്ഥരയ്ക്ക് വിട്ടേക്ക്.
എന്തുപറ്റി?
മംഗളകരമായ ഈ സമയത്ത് എന്തിനാണീ ദേഷ്യവും സങ്കടവുമെല്ലാം?
പറയൂ, ഞാനെന്താ വേണ്ടത്?
പണ്ടൊരിക്കൽ, അങ്ങ് യുദ്ധക്കളത്തിൽ...
...പരിക്കേറ്റുകിടന്നത് ഓർമ്മയുണ്ടോ?
അന്ന് ഞാൻ അങ്ങയെ രക്ഷിച്ചപ്പോൾ...
...രണ്ടുവരങ്ങൾ എനിക്ക് നൽകാമെന്ന് അങ്ങ് സമ്മതിച്ചിരുന്നതാണ്.
ആ രണ്ടു വരങ്ങൾ എനിക്കിപ്പോൾ നൽകിയാലും.
രണ്ടെണ്ണമേ വേണ്ടൂ?
ദേവിക്ക് അതിൽക്കൂടുതലും തരാൻ ഞാൻ തയ്യാറാണ്.
വേണ്ട, എനിക്ക് രണ്ടേ രണ്ടു വരം മതി.
ആദ്യത്തെ വരം...
ഇല്ല!
എനിക്കതിന് കഴിയില്ല, കൈകേയീ.
അതുമാത്രം ചോദിക്കരുത്.
എന്റെ സമ്പത്തു മുഴുവനും നിനക്കു നൽകാം.
- അതു പോരേ? - പോരാ.
സൂര്യവംശത്തിലെ ഭരണാധികാരി...
...സ്വന്തം വാക്കു പാലിക്കേണ്ടവനാണ്.
ഈ രണ്ടുവരംകൊണ്ടു മാത്രമേ...
...ഞാൻ തൃപ്തയാകൂ.
കൈകേയീതനയനായ ഭരതകുമാരനെ...
...രാജാവായി അവരോധിക്കണമെന്നും...
...പതിനാലു വർഷക്കാലം രാമൻ വനവാസമനുഷ്ഠിക്കണമെന്നുമായിരുന്നു...
...കൈകേയീരാജ്ഞി രാജനോട് ആവശ്യപ്പെട്ട വരങ്ങൾ.
ജ്യേഷ്ഠാ, ജനങ്ങളുടെ ആരവമൊന്നും അങ്ങ് കേൾക്കുന്നില്ലേ?
ലക്ഷ്മണാ, ഇത് ദൈവകല്പിതമാണ്.
എന്നുംപറഞ്ഞ് നമ്മൾ വെറുതെയിരിക്കണമെന്നാണോ?
ഈ ഖഡ്ഗം... ഇതൊരു ഭൂഷണം മാത്രമല്ല!
അനുജാ, നീയെന്റെ ഒരു ഭാഗമാണെന്നറിയുക.
നമ്മളിൽ കുടികൊള്ളുന്നത് ഒരേ ആത്മാവാണ്.
പറയുന്നത് മനസ്സിലാക്കൂ.
ആര്യപുത്രാ, ഞാനും അങ്ങയോടൊപ്പം വരുന്നു.
പക്ഷേ സീതേ, ദേവി...
പതിയുടെ കർത്തവ്യം പത്നിയുടെകൂടിയാണ്.
അങ്ങയുടെ വിധിതന്നെയാണ് എന്റെയും.
പരമാർത്ഥം!
മാത്രമല്ല, ഒരേ ആത്മാക്കൾ പിന്തുടരേണ്ടത് ഒരേ വിധിയെയാണ്.
അതുകൊണ്ട് ജ്യേഷ്ഠാ, ഞാനും അങ്ങയെ അനുഗമിക്കാം.
സന്തോഷം.
അമ്മേ, ധൈര്യം വെടിയരുത്.
പതിനാലു സംവത്സരമൊക്കെ വളരെ പെട്ടെന്നങ്ങ് പോകും.
അമ്മയുടെ അനുഗ്രഹംതേടി ഞാൻ വേഗം മടങ്ങിവരും.
- അങ്ങനെയാകട്ടെ, മകനേ. - രാമാ!
രാമാ, നീയെന്തുകൊണ്ട് എന്നെ കുറ്റപ്പെടുത്തുന്നില്ല?
എന്തുകൊണ്ടെന്നോട് വിദ്വേഷം കാണിക്കുന്നില്ല?
Ramayana : The Legend of Prince Rama subtitles in other languages
Comentarios
No comments yet. Be the first to leave one.